Serekwezîr Nêçîrvan Barzanî: Mam Celalî hemverê dîktatorîye, mucadeleyê demokrasî da

Serekwezîrê Kurdistanî Nêçîrvan Barzanî zî bi wesîleyê wefatê Celal Talabanî yew peyamê tazîyeyî weşana.

Neçîrvan Barzanî seba Mam Celalî va ke "Dêmdayîşê Kurdistanî û mucadeleya demokrasî de rolê eyo tarîxî bibi ke do qet nêro vîr ra nêbo."

Nêçirvan Barzanî ard vîrî ke Mam Celalî, Îraq de hemverê dîktatorîya BAASî mucadeleyê demokrasîye dabi.

Nêçîrvan Barzanî va:

"Wefatê Mam Celalî semedê Kurdistan, Îraq û Rojhelatê Mîyanênî yew vindîkerdişêko pîl o. Ez reyna heme heskerdoxanê Mam Celalî rê serweşî wazena. Ez Îraq de heme hetan rê şîret kena ke seba pêkerdişî wa rayîrê Mam Celalî ra şirê. ma do ey tim bi hurmet yad bikê."

Serekkomarê Îraqî yo kehen û sekreterê pêroyî yê YNK Celal Talabanî (Mam Celal) vizêr wefat kerdbi.
Seba babetanê têkildaran menuyanê cêrênan bitiknê:

Bitikne & Biwane / Babetê Têkildar: