Referandum - ZERnews: Serekê Herêmê Kurdistanî Mesud Barzanî, paytextê Kurdistanê Başurî Hewlêr de xîtabê şarî kerd. Mesud Barzanî, verê 25ê Êlule “referandumê xoserîye”, reya peyêne xitabê kurdistanijan kerd. Qiseykerdişê Serekê Kurdistanî ra tayê notê muhîmî:
“Bi nameyê Homayê bexşkarê pîlî,
Gelê way û birayan, ma ewro seba ke xoserîya Kurdistanî rê vajê “belê”, kom bîy. Gelek kes şêno naye pers biko: Çira şarê Kurdistanî qerarê referandumî girewt? Ma nê çend serranê peyênan de fam kerd ke, ma hinî Bexdad reyde nêeşkenê bicwîyê.
Ma badê 2003î seba awankerdişê yew Îraqo newe firsendêk dî. Ma va qey Bexdad hinî qetlîamê ke ameyê kurdan ser, nînan telafî biko: Xirabkerdişê 4500 dewan, vindîkerdişê 12 henzar xortanê Feylîyan, qetlkerdişê 8 henzar Barzanîyan, 182 henzar enfalkerdeyan (qirkerdiş/jenosîd), 1988 de Helebçe de û heme Kurdistan de qirkerdiş bi kîmyasalan... La ma demeyêko kilm de dî ke îdareyê newe yê Bexdadî zî zafê xo wayîrê fikrê enfal û qetlîam û qirkerdişan ê. Rîyê înan bedilîyayo la zihnîyet eynî mendo.
Wexto ke qanunê esasî yê Îraqî 2005 de amade bîy, bi rayanê kurdan qebul bîy. Labelê Bexdad no qanunê esasî zî tetbîq nêkerd, şîrikey nêmende. Maddeyo 140. nêame tetbîq kerdiş. Budçeyê Pêşmergeyî nêdîya, yew gule (qerşûne) bîle nêdîyay.
Birnayîşê budçeyî; no zî goreyê xo hemberê şarê Kurdistanî de teşebusê yew jenosîdî bi. Goya qerar gêrîyabi ke dewletêka demokratîk û federal ronîyena. Nika ez pers kena: Qay Homayî, nika Îraq de dewletêka medenî û demokratîk hakim a? Yan dewletêka mezhebpereste?
Pêşmergeyan hemberê terorîstanê DAIŞî şer kerdêne. Ma semedê yew barê guleyan gereka bişîyêne Bexdad. Eke razî nêbîyêne Pêşmergeyî rê çîyêk nêerşawîyayêne. Destê Bexdadî de halê ma no bi.
Ma bêrê referandumî ser... Eslê xo de no qerar 7ê Hezîrane de nêgêrîya. Ma verê zî behs kerd û terefanê bînan reyde qisey kerd. Qeraro ke 7ê Hezîrane de gêrîya yew nimûneyê welatperwerîye û cesaretî bi... Ez tîya ra heme partîyan û hetanê ke nê qerarî girewto rê sipas kena.
Labelê tayê terefê teberî û Bexdadî qerarê referandumî cidî nêgirewt, va qey kurdî xo mîyan de pênêkenê û no referandum xo bi xo betal beno. Înan ma ra nêva ke “şima çira no qerar girewt, sewbîna çare esto?”. Înan tena ma tehdît kerd û waşt ke referandum talûq bo.
Nika refernadum destê mi ra, destê artîyan ra vejîya, hinÎ kontrolê şima de yo.
Cîhano mîyanneteweyî verê nerm ewnîyayêne meselaya referandumî ra... Balkêş o, kes nêvano “ma hemberê referandumî yê” vanê “wextê ci nîyo”. Labelê ma nêzanê ke wextê ci key o, roja qederê Kurdistanê çi wext o?
SE SERRÎ YO KE A ROJE NÊAMEYE!
Semedo ke ma referandumî talûq bikê, şew û roj vanê “referandumî texîr bikê, dima Bexdadî reyde dest bi muzakereyan bikê”. Ney, ma nêagerenê na tecrubeya bêencame. Ma vanê, ma seba muzakereyan bi cidîyetêko hîna pîl amade yê, labelê 25ê Êlule ra dima.
Hinî zaf erey o, semedê nê qiseyan wext nêmend.
Hemverê nê teşebusan; ez bi nameyê Homayî sond wanena û şima rê zî vana; ez verê şarê xo de, xo nêdana şerme û xo mehcûb nêkena.
Çi gune esto ke yew milet vajo “destûr bidên, ez wazena xoser bibo”?
“Bi nameyê Homayê bexşkarê pîlî,
Gelê way û birayan, ma ewro seba ke xoserîya Kurdistanî rê vajê “belê”, kom bîy. Gelek kes şêno naye pers biko: Çira şarê Kurdistanî qerarê referandumî girewt? Ma nê çend serranê peyênan de fam kerd ke, ma hinî Bexdad reyde nêeşkenê bicwîyê.
Ma badê 2003î seba awankerdişê yew Îraqo newe firsendêk dî. Ma va qey Bexdad hinî qetlîamê ke ameyê kurdan ser, nînan telafî biko: Xirabkerdişê 4500 dewan, vindîkerdişê 12 henzar xortanê Feylîyan, qetlkerdişê 8 henzar Barzanîyan, 182 henzar enfalkerdeyan (qirkerdiş/jenosîd), 1988 de Helebçe de û heme Kurdistan de qirkerdiş bi kîmyasalan... La ma demeyêko kilm de dî ke îdareyê newe yê Bexdadî zî zafê xo wayîrê fikrê enfal û qetlîam û qirkerdişan ê. Rîyê înan bedilîyayo la zihnîyet eynî mendo.
Wexto ke qanunê esasî yê Îraqî 2005 de amade bîy, bi rayanê kurdan qebul bîy. Labelê Bexdad no qanunê esasî zî tetbîq nêkerd, şîrikey nêmende. Maddeyo 140. nêame tetbîq kerdiş. Budçeyê Pêşmergeyî nêdîya, yew gule (qerşûne) bîle nêdîyay.
Birnayîşê budçeyî; no zî goreyê xo hemberê şarê Kurdistanî de teşebusê yew jenosîdî bi. Goya qerar gêrîyabi ke dewletêka demokratîk û federal ronîyena. Nika ez pers kena: Qay Homayî, nika Îraq de dewletêka medenî û demokratîk hakim a? Yan dewletêka mezhebpereste?
Pêşmergeyan hemberê terorîstanê DAIŞî şer kerdêne. Ma semedê yew barê guleyan gereka bişîyêne Bexdad. Eke razî nêbîyêne Pêşmergeyî rê çîyêk nêerşawîyayêne. Destê Bexdadî de halê ma no bi.
Ma bêrê referandumî ser... Eslê xo de no qerar 7ê Hezîrane de nêgêrîya. Ma verê zî behs kerd û terefanê bînan reyde qisey kerd. Qeraro ke 7ê Hezîrane de gêrîya yew nimûneyê welatperwerîye û cesaretî bi... Ez tîya ra heme partîyan û hetanê ke nê qerarî girewto rê sipas kena.
Labelê tayê terefê teberî û Bexdadî qerarê referandumî cidî nêgirewt, va qey kurdî xo mîyan de pênêkenê û no referandum xo bi xo betal beno. Înan ma ra nêva ke “şima çira no qerar girewt, sewbîna çare esto?”. Înan tena ma tehdît kerd û waşt ke referandum talûq bo.
Nika refernadum destê mi ra, destê artîyan ra vejîya, hinÎ kontrolê şima de yo.
Cîhano mîyanneteweyî verê nerm ewnîyayêne meselaya referandumî ra... Balkêş o, kes nêvano “ma hemberê referandumî yê” vanê “wextê ci nîyo”. Labelê ma nêzanê ke wextê ci key o, roja qederê Kurdistanê çi wext o?
SE SERRÎ YO KE A ROJE NÊAMEYE!
Semedo ke ma referandumî talûq bikê, şew û roj vanê “referandumî texîr bikê, dima Bexdadî reyde dest bi muzakereyan bikê”. Ney, ma nêagerenê na tecrubeya bêencame. Ma vanê, ma seba muzakereyan bi cidîyetêko hîna pîl amade yê, labelê 25ê Êlule ra dima.
Hinî zaf erey o, semedê nê qiseyan wext nêmend.
Hemverê nê teşebusan; ez bi nameyê Homayî sond wanena û şima rê zî vana; ez verê şarê xo de, xo nêdana şerme û xo mehcûb nêkena.
Çi gune esto ke yew milet vajo “destûr bidên, ez wazena xoser bibo”?
Seba babetanê têkildaran menuyanê cêrênan bitiknê: